Í samvinnu við Íslandsbanka, Fætur toga, Útilíf og Unbroken stendur hlaup.is fyrir vali á Langhlaupara ársins í sextánda skiptið. Að þessu sinni verður hægt að velja Langhlaupara ársins í götu- og brautarhlaupum og Langhlaupara ársins í utanvegahlaupum bæði í karla- og kvennaflokki. Við erum því að samræma valið á hlaupurum ársins við vali á hlaupi ársins, en þar er valið á milli Götuhlaups ársins og Utanvegahlaupi ársins.
Að þessu sinni hafa 5 konur og 5 karlar verið valdir af fulltrúum hlaup.is í hvorum flokki fyrir sig, sem mynda endanlegan lista hlaupara sem kjósa á um. Það val var ekki auðvelt frekar en áður, því margir hlauparar hafa hver á sinn hátt unnið góð afrek á síðasta ári.
Allir sem kjósa (og skrá netfangið sitt á Mínar síður) fara í pott og geta unnið Brooks hlaupaskó frá Fætur toga. Kosning hefst þriðjudaginn 21. janúar og hægt verður að kjósa til miðnættis fimmtudaginn 30. janúar.
Til að kjósa verður þú að skrá þig inn á Mínar síður á hlaup.is (sjá innskráningu efst til hægri á þessari síðu) og til að fara í útdráttarverðlaunapottinn, þá verður þú að skrá netfangið þitt á Mínar síður hlaup.is.
Hér fyrir neðan eru tilnefningar í stafrófsröð, fyrst í Brautar- og götuhlaupum og fyrir neðan í Utanvegahlaupum.
Brautar- og götuhlaup
Karlar
Arnar Pétursson (1991) náði sínum besta árangri í maraþonhlaupi 2:20:04 klst í Berlín 29.september. Hann varð Íslandsmeistari í hálfmaraþoni á 1:08:50 klst sem fram fór á Akureyri. Sigraði einnig í hálfmaraþoni RM á 1:08:20 klst. Arnar varð Íslandsmeistari í 10 km í Ármannshlaupinu en vegalengdin reyndist of stutt að þessu sinni.
Baldvin Þór Magnússon (1999) setti Íslandsmet í 5 km götuhlaupi 13:42 mín í Leicester 16. mars. Bætti svo eigið Íslandsmet í 5.000 m utanhúss er hann hljóp á 13:20,34 mín 30. apríl og var aðeins 0,34 sek frá því að ná lágmarki á Evrópumeistaramótið er fram fór í Róm. Þá má nefna að Baldvin setti Íslandsmet í 1.500 m (3:39,90 mín). Þann 9. desember keppti Baldvin í EM í víðavangshlaupi er fram fór í Antalya í Tyrklandi. Varð í 47.sæti í mjög sterku hlaupi en Jakob Ingebrigtsen sigraði.
Hlynur Andrésson (1993) náði góðum árangri í götuhlaupum á árinu en hann býr erlendis. Hljóp best 10 km á 29:17 mín í Groet Hollandi 11. febrúar og hálfmaraþon á 1:04:18 klst í Gent, Belgíu, 10. mars. Þá sigraði Hlynur í 10 km í RM á 30:24 mín.
Logi Ingimarsson (1990) varð í 6.sæti í hálfmaraþoni RM á 1:11:59 klst sem er hans langbesti tími á vegalengdinni. Hafði fyrr á árinu sýnt styrk sinn í 5 km í Víðavangshlaupi ÍR (15:46) og Miðnæturhlaupinu (15:52). Varð þriðji á Íslandsmeistaramótinu í 10 km er fór samhliða Ármannshlaupinu. Hljóp 10 km best á 33:38 mín í Hafnarfjarðarhlaupinu.
Þorsteinn Roy Jóhannsson (1991) varð þriðji í hálfmaraþoni RM á 1:09:36 klst sem er hans besti tími á vegalengdinni. Varð Íslandsmeistari í 5 km á 15:24 mín í Víðavangshlaupi ÍR. Þorsteinn var nálægt sínu besta í 10 km er hann sigraði í Adidas Boost hlaupinu á 32:38 mín. Bætti sig mjög mikið í brautarhlaupum innanhúss í 800 (1:59,55), 1.500 (4:03,95) og 3.000 (8:48,44).
Konur
Andrea Kolbeinsdóttir (1999) varð Íslandsmeistari í hálfmaraþoni á Akureyri á 1:15:42 klst sem er hennar besti árangur á vegalengdinni. Hún varð einnig Íslandsmeistari í 5 km á 16:38 mín í Víðavangshlaupi ÍR. Andrea varð Íslandsmeistari í 10 km í Ármannshlaupinu en vegalengdin reyndist of stutt að þessu sinni. Þá sigraði hún í Gamlárshlaupi ÍR á sínum besta tíma í 10 km 34:32 mín.
Anna Berglind Pálmadóttir (1979) átti góðu gengi að fagna í götuhlaupum á árinu og setti nokkur Íslandsmet í aldursflokki 45-49 ára bæði í brautar- og götuhlaupum. Hljóp hálfmaraþon (1:20:58) í Valencia 27.október og var nálægt sínu besta. Sigraði 10 km (37:36) í Hjartadagshlaupinu svo og í Akureyrarhlaupinu (37:23). Hljóp 5 km best á 17:49 í Víðavangshlaupi ÍR.
Halldóra Huld Ingvarsdóttir (1988) bætti árangur sinn mjög mikið á árinu í brautarhlaupum innanhúss og setti Íslandsmet í flokki 35-39 ára í 800 m (2:15,14), 1.500m (4:34,10), 3.000 m (9:47,56) og 5.000 m (16:55,79). Sigraði í hálfmaraþoni RM á 1:22:07 klst og varð önnur á MÍ í hálfmaraþoni (1:19:30) er fram fór á Akureyri. Þá hljóp hún sitt fyrsta maraþon í Frankfurt í lok október á 3:13:39 klst.
Íris Dóra Snorradóttir (1991) náði sínum besta tíma í 10 km er hún hljóp á 36:47 mín í Manchester í lok mars. Þá bætti hún sig í hálfmaraþoni er hún hljóp á 1:20:37 klst í Valencia 27. október. Besti tími hennar í 5 km var 17:54 mín í Víðavangshlaupi ÍR. Íris Dóra bætti sig verulega í brautarhlaupum innanhúss, hljóp 1.500 á 4:43,98 mín og 3.000 m á 9:54,71 mín.
Sigþóra Brynja Kristjánsdóttir (1990) átti gott tímabil. Sigraði í 10 km RM á 36:24 mín og í Adidas Boost 10 km (36:41). Sigþóra hljóp á 1:17:49 klst í hálfmaraþoni er fram fór í Kaupmannahöfn í september, sem er persónulegt met hjá henni. Besti tími hennar í 5 km var 17:37 mín í Akureyrarhlaupinu. Sigþóra bætti sig jafnframt í brautarhlaupum innanhúss, hljóp 1.500 m á 4:44,35 mín og 3.000 m á 10:05,95 mín.
Utanvegahlaup
Karlar
Grétar Örn Guðmundsson (1985) sigraði í Hengill Ultra 53 km (4:28:44) og í Kerlingafjöll Ultra 22 km (2:10:24). Varð annar í Súlur Vertical 28 km (2:36:44) og þriðji í Laugavegshlaupinu (4:31:27), í Akrafjall Ultra 27 km (2:27:56) svo og í Mýrdalshlaupinu 21 km (1:42:49).
Jörundur Frímann Jónasson (1998) sigraði í fjórum utanvegahlaupum á árinu sem eru eftirtalin: Súlur Vertical 28 km (2:34:02), Snæfellshlaupið 30 km (2:47:21), Pósthlaupið 26 km (1:41:18) og Hvítasunnuhlaup Hauka og Brooks 22 km (1:27:01). Varð annar í Dyrfjallahlaupinu 23,4 km (2:01:37) svo og í Stjörnuhlaupi VHE 22 km (1:21:19).
Sigurjón Ernir Sturluson (1990) sigraði í þremur utanvegahlaupum á árinu sem eru eftirtalin: Súlur Vertical 43 km (4:13:27), Sjö Tindahlaup Mosfellsbæjar 38,2 km (3:32:07) og Kerlingafjöll Ultra 63 km (5:44:02). Þá varð Sigurjón annar í Laugavegshlaupinu (4:20:34), Dyrfjallahlaupinu 50 km (4:47:27), Puffin Run 20 km (1:21:21) og í Mt. Esja Ultra 21 km (2:07:07). Var í íslenska landsliðinu sem tók þátt í EM í utanvegahlaupum er fram fór í Annecy í Frakklandi í byrjun júní. Varð í 44. sæti (5:58:53) en vegalengdin var um 58 km og hækkun um 3.500 m.
Þorbergur Ingi Jónsson (1981) sigraði í Wildstrubel UTMB 73 km (6:47:52) er fram fór í Sviss í september. Sigraði jafnframt í Súlur Vertical 100 km (9:48:39), Dyrfjallahlaupinu 50 km (4:32:15) og í Akrafjall Ultra 27 km (2:14:10). Var í íslenska landsliðinu sem tók þátt í EM í utanvegahlaupum er fram fór í Annecy í Frakklandi í byrjun júní. Varð í 23. sæti (5:32:40) en vegalengdin var um 58 km og hækkun um 3.500 m.
Þorsteinn Roy Jóhannsson (1991) sigraði í fjórum utanvegahlaupum á árinu sem eru eftirtalin: Laugavegshlaupið (4:13:08), Fimmvörðuhálshlaup Náttúruhlaupa 28 km (2:14:04), Mt. Esja Ultra 21 km (1:55:21) og í Eldslóðinni 28 km (1:48:38). Þá varð Þorsteinn annar í Akrafjall Ultra 27 km (2:14:51) og þriðji í Kerlingafjöll Ultra 22 km (2:25:15). Var í íslenska landsliðinu sem tók þátt í EM í utanvegahlaupum er fram fór í Annecy í Frakklandi í byrjun júní. Varð í 39. Sæti (5:48:10) en vegalengdin var um 58 km og hækkun um 3.500 m.
Konur
Andrea Kolbeinsdóttir (1999) var fyrst kvenna í öllum utanvegahlaupum sem hún tók þátt í á árinu hérlendis en þau eru: Laugavegshlaupið (4:33:31), Súlur Vertical 100 km (12:14:33), Hvítasunnuhlaup Hauka og Brooks 17,5 km (1:20:34), Puffin Run 20 km (1:27:52), Mýrdalshlaupið 21 km (1:48:57), Dyrfjallahlaupið 50 km (5:28:54) og Akrafjall Ultra 27 km (2:29:04). Var í íslenska landsliðinu sem tók þátt í EM í utanvegahlaupum er fram fór í Annecy í Frakklandi í byrjun júní. Varð í 6. sæti (6:10:54) en vegalengdin var um 58 km og hækkun um 3.500 m.
Anna Berglind Pálmadóttir (1979) sigraði í Hengill Ultra 26 km (1:58:23) og í Súlur Vertical 43 km (4:49:13). Varð þriðja í Akrafjall Ultra 20 km (1:46:29) og fjórða í Hvítasunnuhlaupi Hauka og Brooks 17,5 km (1:20:24).
Halldóra Huld Ingvarsdóttir (1988) sigraði í Akrafjall Ultra 20 km (1:42:46), í Mt. Esja 21 km (2:20:08) og í Snæfellsjökulshlaupinu 22 km (1:45:14). Varð önnur í Hvítasunnuhlaupi Hauka og Brooks 17,5 km (1:17:22). Var í íslenska landsliðinu sem tók þátt í EM í utanvegahlaupum er fram fór í Annecy í Frakklandi í byrjun júní. Varð í 29. sæti (6:55:30) en vegalengdin var um 58 km og hækkun um 3.500 m.
Íris Anna Skúladóttir (1989) varð önnur í Snæfellsjökulshlaupinu 22 km (1:50:34) og í Súlur Vertical 18 km (1:28:17). Varð þriðja í Puffin Run 20 km (1:31:10), Mýrdalshlaupinu 21 km (1:53:28) og í Hvítasunnuhlaupi Hauka og Brooks 17,5 km (1:19:34). Var í íslenska landsliðinu sem tók þátt í EM í utanvegahlaupum er fram fór í Annecy í Frakklandi í byrjun júní. Varð í 39. sæti (7:09:38) en vegalengdin var um 58 km og hækkun um 3.500 m.
Sigþóra Brynja Kristjánsdóttir (1990 ) sigraði í Dyrfjallahlaupinu 23,4 km (2:22:54), í Súlur Vertical 28 km (2:51:31) og í Snæfellshlaupinu 30 km (3:03:24). Þá varð Sigþóra önnur í Puffin Run 20 km (1:31:05). Var í íslenska landsliðinu sem tók þátt í EM í utanvegahlaupum er fram fór í Annecy í Frakklandi í byrjun júní. Varð í 44. sæti (7:28:44) en vegalengdin var um 58 km og hækkun um 3.500 m.
