Hið árlega Brúarhlaup á Selfossi fer fram laugardaginn 8. ágúst 2026.
Vegalengdir
Hlaupavegalengdir eru 10 km, 5 km, 3 km skemmtiskokk ásamt 800 m Sprotahlaupi fyrir krakka 8 ára og yngri.
Einnig fer fram keppni í 5 km hjólreiðum (skemmtihjólreiðar, ekki hröð keppnisbraut).
Allar hlaupaleiðir eru löggildar og mældar upp af viðurkenndum aðila. Tímataka er í öllum vegalengdum (flögur). Hlaupið er viðurkennt og vottað af Frjálsíþróttasambandi Íslands.
Tímasetningar og staðsetningar
- Hlauparar í 10 km hlaupi verða ræstir á Árvegi við Krónuna á Selfossi kl. 11:30
- Hlauparar í 5 km hlaupi verða ræstir á Árvegi við Krónuna á Selfossi kl. 12:00
- Keppendur í 5 km hjólreiðum verða ræstir á Árvegi við Krónuna á Selfossi kl. 11:00.
- Keppendur í 3 km skemmtiskokki verða ræstir í miðbæjargarði Selfoss kl. 11:30
- Keppendur í 800m Sprotahlaupi verða ræstir í miðbæjargarði Selfoss kl. 12:30
Allir þátttakendur koma í mark í Sigtúnsgarðinum í miðbæ Selfoss.
Flokkaskipting og verðlaun
Flokkaskipting er í 5 km og 10 km hlaupi og eru veittir verðlaunapeningar fyrir 1.-3. sæti í hverjum aldursflokki og einnig fyrir 1.-3. sæti óháð aldri, karla og kvenna, í hvorri vegalengd.
Verðlaunapeningar eru veittir fyrir 1.-3. sæti í 3 km hlaupi og 5 km hjólreiðum, í karla og kvennaflokki.
Að auki verða dregin út útdráttarverðlaun, úr hópi keppenda og þeim heppnu afhent þau um leið og þeir koma í mark. Verðlaunaafhending fer fram í miðbæjargarði Selfoss, við endamark hlaupsins, kl. 13:00.
Skráning og verð
Skráning fer fram á netskraning.is, en einnig á hlaupdag frá kl. 09:00 í Landsbankanum á Selfossi. Forskráningu lýkur á netinu 15 mín fyrir hlaup.
Afhending keppnisgagna, er á hlaupadag í Landsbankanum á Selfossi, frá kl. 09.00. Allir þátttakendur fá við skráningu keppnisbol og verðlaunapening við komu í mark.
Annað
Allir keppendur fá frítt í sund eftir hlaup, í boði sveitarfélagsins Árborgar, gegn framvísun keppnisnúmers. Úrslit verða birt á hlaup.is og timataka.net. Frekari upplýsingar gefur Hjalti Jón Kjartansson, frjalsar@umfs.is og í síma 779-9505.