Neshlaupið

Um hlaupið

Vegalengdir3,25 km, 7,5 km, 15 km
Dagsetning9. maí 2026

Neshlaup Nuun (Neshlaupið) verður haldið laugardaginn 9. maí. Hlaupið verður ræst kl 11:00 við Sundlaug Seltjarnarness. Trimmklúbbur Seltjarnarness (TKS), heldur þennan árlega viðburð nú í 38. skipti.

Vegalengdir

Í boði eru þrjár vegalengdir:

3,25 km skemmtiskokk, án flokkaskiptingar en með tímatöku (flögur).
7,5 km hlaupaleið, einn Neshringur með tímatöku (flögur).
15 km hlaupaleið, tveir Neshringir með tímatöku (flögur) millitími gefinn.

Skráning

Forskráning fer fram á netskraning.is og lýkur á miðnætti 7. maí. Eftir að forskráningu lýkur hækkar þátttökugjald og eru þátttakendur því hvattir til að forskrá sig tímanlega. Einnig er unnt að skrá sig á staðnum en skráningu líkur kl. 10 á hlaupadag. Afhending á hlaupagögnum fer fram í íþróttahúsinu á Seltjarnarnesi á milli kl. 17-19:00 föstudaginn 8. maí og á hlaupadag milli kl. 9 - 10:45.

Þátttökugjald

Þátttökugjöld eru eftirfarandi:

2.900 kr. fyrir fullorðna (16 ára og eldri f. 2010 og fyrr) miðað við forskráningu.
3.600 kr. fyrir fullorðna eftir að forskráningu líkur.
Ókeypis fyrir börn og ungmenni (15 ára og yngri f. 2011 eða síðar, miðað er við grunnskólaaldur)

Hlaupaleið

Rásmarkið og endamarkið er við Sundlaug Seltjarnarness í öllum vegalengdum. Í lengri vegalengdunum er hlaupið eftir göngu/hjólastígnum hringinn um nesið. Frá Suðurströnd eftir Bakkagranda, út fyrir golfvöll í Suðurnesi, með Kotagranda að Snoppu, síðan Norðurströnd heim að endamarki við sundlaug. Í 3,25 km hlaupinu er hlaupið eftir Suðurströnd og beygt inn Lindarbraut og Norðurstönd til baka þar til beygt er í átt að sundlaug að nýju.

Sjá einnig kort af leiðinni hér neðst.

Flokkaskipting

Keppt er bæði í karla- og kvennaflokki í hverri vegalengd.

Annað

Hlaupið er fjölskylduvæn skemmtun þar sem allir geta fundið sér vegalengd við hæfi. Drykkjarstöð er á miðri leið fyrir 15 km. Þátttökuverðlaun og hressing að loknu hlaupi. Fjölmargir spennandi útdráttarvinningar.

Nánari upplýsingar

Nánari upplýsingar er hægt að fá með því að senda tölvupóst á trimmklubburinn@gmail.com