Þorvaldsdalsskokkið, elsta skipulagða óbyggðahlaup á Íslandi, verður haldið í 33 sinn þann 4. júlí 2026. Líkt og undanfarin ár verða tvö hlaup og eru þau hluti af norðurhluta Landvættar (www.landvaettur.is).
Auk þess verður boðið upp á tvöfaldan Þorvaldsdal en það hlaup hefst kl. 9:00 í rásmarki við Stærri-Árskóg og er Þorvaldsdalur hlaupinn fram og til baka.
Sjáðu kort af leiðinni neðst á þessari síðu.
Þorvaldsdalsskokkið - Landvættur
- Aðalhlaupið hefst við gömlu brúna yfir Ytri-Tunguá milli Dagverðartungu og Fornhaga í Hörgárdal og lýkur við Stærri-Árskóg á Árskógsströnd.
- Vegalengd er tæpir 25 km
- Leiðarval frá rásmarki að marki er keppendum frjáls
- Þátttökugjald er 15.000 kr
- Innifalið í gjaldi er gjöf merkt hlaupinu.
- Rúta fer frá Árskógi að rásmarki. Gjald fyrir rútuna er 1.000 kr
- Rástími úr Hörgárdal er 12:00 og rúta fer frá Árskógsskóla kl. 11:00 (mæting 10:30).
Tvöfaldur Þorvaldsdalur
Hlaupið hefst í marki Þorvaldsdalsskokksins við rafveituskúr nærri Stærri Árskógi. Þorvaldsdalurinn er hlaupinn suður að rásmarki Þorvaldsdalsskokksins og er það snúið við og dalurinn hlaupinn aftur til baka að rásmarkinu og endar á sama stað og það hófst.
- Vegalengd er u.þ.b. 48 km
- Leiðarval frá rásmarki að marki er keppendum frjáls
- Þátttökugjald er 22.000.-
- Innifalið í gjaldi er gjöf merkt hlaupinu.
- Rástími er 9:00 og lýkur tímatöku kl. 17:00. Tímamörk sem þáttakendur verða að uppfylla til að fá að ljúka seinni hluta hlaupsins er að komast gegnum rásmark Þorvaldsdalsskokksins fyrir kl. 12:30.
Hálfur Þorvaldsdalur - Hálfvættur
- Hlaupið hefst fyrir ofan Brattavelli á Árskógsströnd og lýkur við Stærri-Árskóg á Árskógsströnd.
- Vegalengd er um 16 km
- Þátttökugjald er 12.000 kr
- Innifalið í gjaldi er gjöf merkt hlaupinu.
- Rúta fer frá Árskógi að rásmarki og er rúta innifalin í þátttökugjaldi. ATH. óheimilt verður að aka upp að rásmarki og því er gert ráð fyrir að allir keppendur fari með rútu.
- Rástími er 13:00 og rúta fer frá Árskógsskóla 12:45 (mæting 12:15)
Skráning
Skráning fer fram á netskraning.is.
Nánari upplýsingar
Nánari upplýsingar um Þorvaldsdalsskokkið er að finna á vefsíðu hlaupsins.