Pöntun á æfingaáætlun 1,2 eða 3 mánuðir

Hlaup.is býður upp á gerð æfingaáætlana fyrir lesendur síðunnar í samstarfi við Sigurð Pétur Sigmundsson, sem hefur mikla reynslu af þjálfun og gerð æfingaáætlana. Undir hans leiðsögn hafa fjölmargir bætt árangur sinn á undanförnum árum. Þetta hentar jafnt þeim sem eru að byrja eða eru komnir ágætlega af stað. Sigurður hefur t.a.m. mikla reynslu í því að útbúa áætlanir fyrir þá sem stefna að því að bæta sig í hálfmaraþoni eða maraþoni.

Fyrirkomulagið er á þá leið að þeir sem óska eftir æfingaáætlun fylla út eyðublað hér að neðan með helstu upplýsingum um líkamlegt ásigkomulag og fyrri æfingum, ásamt markmiðum. Sigurður fer yfir þessar upplýsingar og hringir síðan í viðkomandi áður en áætlunin er send á netfang eða í pósti til viðkomandi. Gert er ráð fyrir að hver áætlun sé til eins mánaðar í senn þar sem mikilvægt er að taka tillit til hugsanlegra breytinga s.s. vegna veikinda, meiðsla, ferðalaga og aukins álags í starfi.

Annan hvern miðvikudag á tímabilinu mars-október stjórnar Sigurður æfingum frá Laugardalslauginni. Þá er hitað upp, teknar teygjur og léttar styrktaræfingar, gerðar hraðaæfingar á brautinni eftir getu hvers og eins og síðan skokkað niður. Auk þess gefst tækifæri til að ræða um atriði sem máli skipta hjá hverjum og einum og leggja á ráðin ef viðkomandi er að stefna að þátttöku í almenningshlaupi.

Boðið er upp á eins mánaðar, tveggja mánaða og þriggja mánaða æfingaáætlun. Greitt er eins mánaðar gjald, 7.800 kr., tveggja mánaða gjald 13.600 kr eða þriggja mánaða gjald 18.600 kr. og eru greiðslur samkvæmt samkomulagi við Sigurð Pétur.

Hlaup.is hvetur þá sem stefna að bætingu á fyrri árangri að nýta sér þetta tækifæri sem allra fyrst. Sigurður Pétur hefur margsýnt að hann kann að koma hlaupurum í toppform á réttum tíma !