Ákveðið hefur verið að aflýsa hlaupahátíð á Vestfjörðum í ár, en það er gert vegna mjög slæmra veðurskilyrða og skriðuhættu á keppnissvæðum. Í tilkynningu frá keppnishöldurum segir að ákvörðunin hafi verið tekin í samráði við Veðurstofuna.
Stór hluti greina á hlaupahátíðinni eru utanvegahlaup og fjallahjólreiðar og er meðal annars farið svokallaða Vesturgötu milli Dýrafjarðar og Arnarfjarðar, en þar er mjög stórgrýtt og farið um vegslóða sem er undir fjallshlíð.
Frétt af mbl.is