Fjallahlaupið Súlur Vertical var haldið við frábærar aðstæður á Akureyri um helgina. Gerðar voru töluverðar breytingar á upphaflegum áætlunum og víðtækar ráðstafanir viðhafðar til að fylgja sóttvarnareglum og tryggja öryggi keppenda og starfsfólks.
Keppt var í þremur vegalengdum sem allar hófust í Kjarnaskógi og lauk í miðbæ Akureyrar. Samtals voru keppendur um 400 talsins sem fóru af stað í sjö hópum á mismunandi tímum. Um 600 keppendur voru upphaflega skráðir til leiks, en forföll urðu vegna Covid-19.
Fyrstu hlauparar hófu keppni kl. 7 á laugardagsmorgun og síðasti hópur var ræstur um hádegi. Framkvæmd hlaupsins gekk í öllum meginatriðum samkvæmt áætlun. Veðrið lék við hlaupara og starfsfólk og má segja að allar aðstæður hafi verið eins og best verður á kosið.
Að þessu sinni var keppt í fyrsta sinn í 55 km Ultra vegalengd með 3.000 metra hækkun þar sem meðal annars var farið upp á bæjarfjöllin Súlur og Hlíðarfjall. Fyrst kvenna í mark í þessari vegalengd var Rannveig Oddsdóttir en Þorbergur Ingi Jónsson var fyrstur karla.
Elísabet Margeirsdóttir sigraði 28 km hlaupið í kvennaflokki og Halldór Hermann Jónsson í karlaflokki.
Í 18 km hlaupinu var það Gígja Björnsdóttir sem sigraði kvennaflokkinn og í karlaflokki kom Einar Árni Gíslason fyrstur í mark.
Helstu úrslit í Súlum Vertical 2021 eru eftirfarandi:
55 km
1. Þorbergur Ingi Jónsson 05:44:10
2. Davíð Örn Aðalsteinsson 06:53:18
3. Aron Skúlason 07:10:11
1. Rannveig Oddsdóttir 07:19:12
2. Hrafnhildur Georgsdóttir 08:08:54
3. Sigríður Björg Einarsdóttir 08:20:28
28 km
1. Halldór Hermann Jónsson 02:37:41
2. Jörundur Frímann Jónasson 02:41:33
3. Búi Steinn Kárason 03:00:06
1. Elísabet Margeirsdóttir 03:12:02
2. Hjördís Ýr Ólafsdóttir 03:24:18
3. Dalrós Inga Ingadóttir 03:34:32
18 km
1. Einar Árni Gíslason 01:25:26
2. Ásgeir Daði Þórisson 01:33:25
3. Kjartan Sigurðsson 01:33:51
1. Gígja Björnsdóttir 01:40:14
2. Lára Einarsdóttir 01:42:59
3. Sonja Sif Jóhannsdóttir 01:44:38
Myndir: Akureyri.net/Skapti Hallgrímsson og Hörður Geirsson