Frjálsíþróttasamband Íslands hefur valið landslið Íslands í utanvegahlaupum sem tekur þátt á Heimsmeistaramótinu í utanvegahlaupum sem fer fram í Chiang Mai í Tælandi dagana 17. - 20. nóvember 2022.
Um er að ræða tvær keppnisvegalengdir, 40 km með 2800 m samanlagðri hækkun og svo 80 km með 4900 m samanlagðri hækkun.
Þeir hlauparar sem skipa landslið Íslands í utanvegahlaupum 2022 eru:
| Nafn | Vegalengd |
| Rannveig Oddsdóttir | 80 km |
| Elísabet Margeirsdóttir | 80 km |
| Andrea Kolbeinsdóttir | 40 km |
| Anna Berglind Pálmadóttir | 40 km |
| Íris Anna Skúladóttir | 40 km |
| Nafn | Vegalengd |
| Þorbergur Ingi Jónsson | 80 km |
| Þorsteinn Roy Jóhannsson | 80 km |
| Sigurjón Ernir Sturluson | 80 km |
| Halldór Hermann Jónsson | 40 km |
| Þórólfur Ingi Þórsson | 40 km |
Þess má geta að þrjár af konunum og þrír af körlunum voru tilnefnd sem hlauparar ársins en þetta eru þau Andrea Kolbeinsdóttir (Langhlaupari ársins 2021), Rannveig Oddsdóttir og Íris Anna Skúladóttir í kvennaflokki og Þorbergur Ingi Jónsson, Þorsteinn Roy Jóhannsson og Þórólfur Ingi Þórsson í karlaflokki.
Heimild: fri.is