Hausmynd2018-RM2017
Squeezy Sport Nutrition
FrÚttir
Nřjustu frÚttir
FrÚttir 2016
FrÚttir 2015
FrÚttir 2014
FrÚttir 2013
FrÚttir 2012
FrÚttir 2011
FrÚttir 2010
FrÚttir 2009
FrÚttir 2008
FrÚttir 2007
FrÚttir 2006
FrÚttir 2005
FrÚttir 2004
FrÚttir 2003
FrÚttir 2002
FrÚttir 2001
FrÚttir 2000
FrÚttir 1999
FrÚttir 1998
FrÚttir 1997
Leit
┴hugavert
Hlaupadagskrß 2020
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
FrÚttir  >  Nřjustu frÚttir
14.5.2020
Flottir hlauparar Ý Salomon Hengill Ultra

Þeir eru ansi öflugir hlaupararnir sem þegar hafa skráð í í 100 km hlaupið í  Salomon Hengill Ultra sem fram fer í Hveragerði helgina 5. til 6. júní næstkomandi. Listinn yfir hlauparana er nánast eins og listi yfir okkar allra bestu hlaupara. Þegar þetta er skrifað eru 35 hlauparar skráðir í 100 km hlaupið.

Hér að neðan stiklar Einar Bárðarson skipuleggjandi hlaupsins á stóru um þátttakendur í 100 km hlaupinu :

"Örvar Steingrímsson, margreyndur landsliðsmaður í utanvegahlaupum.  Var í landsliði Íslands 2015,2016 og 2019.  Sigraði Laugaveginn 2013 og varð annar í fyrra.  Einn af bestu utanvegahlaupurum landsins.

Ásta Björk Guðmundsdóttir er með efnilegri utanvegahlaupurum landsins. Hefur bætt sig gríðarlega á undanförum árum. Síðasta haust kláraði Ásta 100 km í UTLO 2019 á Ítalíu, kláraði 65 km í Trans Gran Canaria í vetur á Canary. Virkilega sterk.

Birgir Már Vigfússon, hefur bætt sig gríðarlega á undanförnum árum. Varð þriðji á Laugaveginum 2019 og bætti tímann sinn verulega. Þá fór hann undir þrjá tíma í maraþoni sama ár. Er mjög reyndur utanvegahlaupari og kláraði meðal annars TDS hlaupið í Chamoix 2019. 

Brynja Baldursdóttir, mjög sterk og hefur æft vel í vetur. Verður spennandi að sjá hvað hún gerir í 100 km. Hún kláraði 100 km í UTLO á Ítalíu 2019. 

Daníel Reynisson, landsliðsmaður í utanvegahlaupum 2017 og 2018. Gífurlega sterkur hlaupari sem verður spennandi að fylgjast með í Hengill Ultra.

Síðan má nefna fleiri t.d. Gunnar Júlíusson sem er mjög reyndur utanvegahlaupari, Björn Rúnar Lúðvíksson en hann er hokinn af reynslu í utanvegahlaupum bæði innanlands og erlendis. Tómas Beck, virkilega sterkur og í „bætingarham", Þorleifur Þorleifsson og Adam Komorowski sem fór 25 km í fyrra."

Það stefnir því greinilega í mikla hlaupaveislu í Hveragerði og nærsveitum fyrstu helgina í júní þegar Salomon Hengill Ultra fer fram. Það er um að gera fyrir hlaupara að tryggja sér skráningu fyrr en seinna enda ekki langt í að fullt verði í hlaupin. Þess má geta að fimm vegalengdir eru í boði, 5 km, 10 km, 25 km, 50 km og 100 km sem er lengsta utanvega hlaup á Íslandi. Í ár verður í fyrsta sinn boðið upp á 100 km liðakeppni sem er skipt upp þannig að fjórir keppendur hlaupa 25 km hringinn. Nánari upplýsingar á hlaup.is.

 

Til baka
 
 
Athugasemdir
 
 
Settu inn athugasemd:













 
Sportv÷rur 2XU Jan 2020
HvÝtt bil 5 ß hŠ­ - 3
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is