Andrea Kolbeinsdóttir og Hlynur Andrésson eru langhlauparar ársins 2021 mati hlaupara og lesenda hlaup.is. Verðlaunin voru afhent í þrettánda skiptið í dag sunnudaginn, 13. febrúar. Í öðru sæti höfnuðu Þorbergur Ingi Jónsson og Ragnheiður Sveinbjörnsdóttir. Í þriðja sæti lentu Arnar Pétursson og Íris Anna Skúladóttir.
Andrea Kolbeinsdóttir hlýtur þennan titil í fyrsta skiptið. Hlynur Andrésson hlýtur þennan titil í annað skiptið en gat ekki verið viðstaddur verðlaunaafhendinguna, þar sem hann býr og æfir í Hollandi og var þar að auki að keppa í 3000m hlaupi á Norðurlandamótinu sem fram fór í Svíþjóð. Fyrir hans hönd tók Fríða Rún við verðlaununum.
Kosið var á milli sex hlaupara í karlaflokki og sex hlaupara kvennaflokki. Niðurstöður kosningarinnar eru eftirfarandi:
Karlaflokkur
| Röð | Nafn |
| 1 | Hlynur Andrésson |
| 2 | Þorbergur Ingi Jónsson |
| 3 | Arnar Pétursson |
| 4 | Þorsteinn Roy Jóhannsson |
| 5 | Þórólfur Ingi Þórsson |
| 6 | Baldvin Þór Magnússon |
Kvennaflokkur
| Röð | Nafn |
| 1 | Andrea Kolbeinsdóttir |
| 2 | Ragnheiður Sveinbjörnsdóttir |
| 3 | Íris Anna Skúladóttir |
| 4 | Rannveig Oddsdóttir |
| 5 | Sigþóra Brynja Kristjánsdóttir |
| 6 | Fríða Rún Þórðardóttir |
Upplýsingar um afrek hlauparanna sem lögð voru til grundvallar kosningunni er hægt að lesa um í frétt á hlaup.is. Hlaup.is mun svo birta viðtöl við hlauparana á morgun.
Við drógum út útdráttarverðlaun úr hópi þeirra sem kusu og upp kom nafn Valdísar Sigurvinsdóttir og fékk hún HOKA skópar.
Hlaup.is þakkar stuðningsaðilum sem gáfu verðlaun, Sportís, Íslandsbanka og Icelandair.
