Hausmynd2018-RM2017
Squeezy Sport Nutrition
Frˇ­leikur
Byrjendur
Almennur frˇ­leikur
  Jˇladagatal 2016
  Jˇladagatal 2015
  Ůjßlfun
  NŠringarfrŠ­i
  Mei­sli
  Skˇr
  Hlaupa˙tb˙na­ur
  Frˇ­leiksmolar
  Tilvitnanir
  Ţmislegt
Rß­gj÷f
Ăfingaߊtlanir
Eldri kannanir
Hlauphaldarar
Reglur
Framfarir - FÚlag
UmrŠ­ur
V÷rukynningar
Rvk. mara■on ═sl.banka
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Frˇ­leikur  >  Almennur frˇ­leikur  >  Jˇladagatal 2016
4.12.2016
4. des - Jˇladagatal hlaup.is: Burt Jˇnas, burt

Burt, Jónas, burt.
Einu sinni var karl sem bjó í Reykjavík. Hann hafði einsett sér að hlaupa eftir Laugaveginum sem er fjallvegur suður frá Landmannalaugum í Þórsmörk. Karlinn bjó sig vel og lengi undir ferðina, sótti námskeið í hlaupum, át hollan mat og lifði reglulegu lífi. Hann bjó sig undir hvað eina sem honum gat hugkvæmst að gerst gæti í hlaupinu. Karlinn taldi sig að lokum svo vel búinn sem nokkur kostur væri.

Loks rann upp hlaupadagur. Veður var stillt, þurrt og léttskýjað. Hlauparar lögðu af stað úr Laugum um miðjan morgun. Karlinum leið vel upp svo kallaða Brennisteinsöldu en þá fór hann að finna fyrir lítils háttar verk í nára. Hann varð afar áhyggjufullur því hlaupið var nýhafið og hann þegar kominn með verki. Eftir nokkra stund hvarf verkurinn og karlinn tók gleði sína á ný. Þegar hann kom í Hrafntinnusker og um fimmtungur af hlaupinu var að baki tók hann að finna fyrir verk í vinstri kálfa. Hann hvarf þó fljótlega en nokkru síðar fann hann fyrir verk í framanverðu hægra læri og í Jökultungum var kominn sár verkur í vinstri öxl. Hélt nú svo fram þar til um hádegi, verkur hljóp til í skrokknum. Hann fór að undrast hvernig á þessu gæti staðið að verkir komu og fóru en héldu ekki kyrru fyrir á einum og sama stað.

Hlaupið hélt áfram um hlað í Álftavatni, um Hvanngil og yfir Bláfjallakvísl. Þar var hlaupið hálfnað. Á söndunum sunnan við Kvíslina leið karli vel en þegar hann nálgaðist Botnaskálann á Emstrum tóku verkir að hlaupa á milli líkamshluta eins og fyrr um daginn. Enn velti hann fyrir sér hvernig gæti á þessu staðið. Þetta minnti ekki á neitt af því sem hann hafði áður kynnst á eigin skrokki og hafði ekki búist við þess háttar verkjaflakki. Hann velti aðstæðum fyrir sér dágóða stund en reyndi þó að hugsa um annað.

Eins og hendi væri veifað laust þeirri hugmynd niður hjá karli að verkirnir væru af völdum draugs. Honum datt þegar í hug að hér væri kominn húsdraugur úr Reykjavík að nafni Jónas. Hann var meinlaus með öllu en ákaflega stríðinn. Hann hefði auðveldlega getað tekið sér far með karlinum inn í Laugar og síðan fylgt honum á hlaupum. Karl ákvað nú að freista þess að reka drauginn í burtu. Hann kallaði því hátt og snjallt þrisvar sinnum: „Burt, Jónast, burt." Ekki leið á löngu uns verkirnir voru með öllu horfnir. Þá átti karlinn ófarinn stuttan spöl að skálanum á Emstrum. Karlinn komst vandræðalaust niður í Húsadal.

Enginn varð var við Jónas draug á heimili karls eftir þetta. En verra var að nú sáu litlir draugar sér leik á borði og vöfruðu daga og nætur um heimilið. Þeir voru þó meinlausir. Ekki er því að leyna að nokkur eftirsjá var af Jónasi og heimilisfólk hugsar oft til hans núna þegar veður gerast köld og mikil. Hann er líklega enn þá inni á Emstrum.
Höfundur: Sigurður Konráðsson, Hlaupahópi SPS og hlaup.is.

Sjáðu alla molana í jóladagatali hlaup.is

 

Til baka
 
 
Athugasemdir
 
 
Settu inn athugasemd:













 
Sportv÷rur 2XU J˙nÝ 2019
HvÝtt bil 5 ß hŠ­ - 3
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is