Hausmynd2018-RM2017
Squeezy Sport Nutrition
FrÚttir
Nřjustu frÚttir
FrÚttir 2016
FrÚttir 2015
FrÚttir 2014
FrÚttir 2013
FrÚttir 2012
FrÚttir 2011
FrÚttir 2010
FrÚttir 2009
FrÚttir 2008
FrÚttir 2007
FrÚttir 2006
FrÚttir 2005
FrÚttir 2004
FrÚttir 2003
FrÚttir 2002
FrÚttir 2001
FrÚttir 2000
FrÚttir 1999
FrÚttir 1998
FrÚttir 1997
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
FrÚttir  >  FrÚttir 2016
24.9.2016
Hjartadagshlaupi­ ß morgun, sunnudaginn 25. september

Alþjóðlegur hjartadagur er haldinn 29. september ár hvert en það er Alþjóðahjartasambandið (World Heart Federation) sem hvetur aðildarfélög sín um allan heim til að halda upp á Hjartadaginn. Á Íslandi sameinast Hjartavernd, Hjartaheill, Neistinn og Heilaheill um að halda daginn.

Félögin hafa haldið upp á daginn með hjartadagshlaupi og göngu um árabil í samvinnu við Kópavogsbæ sem hefur boðið þátttakendum í sund að hlaupi loknu. Frjálsíþróttadeild Breiðabliks sér um framkvæmd hlaupsins en hlaupaleiðin liggur um Kársnesið. Flögutímataka er í hlaupinu. Notaður verður tímatökubúnaður frá Tímataka.net.

Þann 25. september kl. 10 verður hjartadagshlaupið ræst. Boðið er upp á 5 og 10 km vegalengdir og verður þátttaka ókeypis eins og áður. Hlaupið verður ræst frá bílaplaninu við Smáraskóla við Kópavogsvöll. Skráning í hlaupið fer fram á hlaup.is og við stúkuna fyrir hlaup frá klukkan 9 en hlaupið hefst klukkan 10. Vegleg verðlaun verða veitt fyrir efstu sæti. Þegar úrslit liggja fyrir verður hægt að sjá þau á hjarta.is, timataka.is og á hlaup.is.

Í ár fer Sri Chinmoy heimseiningar friðahlaupið fram samhliða hjartadagshlaupinu. Hlauparar friðarhlaupsins koma frá 8 mismunandi löndum. Hlaupinn verður hálfur hringur á Kópavogsvelli að loknu hjartadagshlaupi eða um kl. 11. Verður öllum viðstöddum boðið að hlaupa í hóp með logandi friðarkyndil og munu þannig táknrænt afhenda hann áfram til Grænlands.

Þann 29. september kl. 17:30 hefst hjartagangan. Lagt verður af stað við gömlu rafstöðina í Elliðarárdal. Göngustjórar í ár verða starfsmenn Hjartaheilla og er þátttaka ókeypis.

Þema hjartadagsins í ár er hjartvænt umhverfi. Heilbrigður lífsstíll er mikilvægasta forvörn gegn hjarta- og æðasjúkdómum. Einstaklingurinn ræður sjálfur mestu um sinn eigin lífsstíl. Mikilvægt er þó að gera einstaklingnum kleift að haga sínum lífsstíl á sem heilsusamlegastan máta. Umhverfi okkar þar sem við búum, vinnum og iðkum frístundir, getur haft mikil áhrif á getu okkar til að taka réttar ákvarðanir með heilsu okkar í huga. Á síðustu áratugum hefur margt breyst til batnaðar í samfélagi okkar og umhverfi. Okkur hefur verið gert auðveldara að lifa heilsusamlegu lífi, sé áhugi fyrir hendi. Hjólastígar, göngustígar, almenn útivistarsvæði, takmarkanir á reykingum og ýmislegt fleira hafa skilað sér til þjóðarinnar í bættri heilsu. Sérhver hreyfing er mikilvæg fyrir heilsuna. Ekki þarf alltaf mikið til.

Dagskrá sunnudaginn 25. september

  • Hjartadagshlaupið - klukkan 10:00 á Kópavogsvelli. Tvær vegalengdir, 5 og 10 km með tímatöku frá timataka.net. Vegleg verðlaun eru í boði fyrir efstu sætin, auk útdráttarverðlauna. Skráning er á www.hlaup.is eða á staðnum, við stúkuna á Kópavogsvelli frá klukkan 09:00.
  • Þátttakendum verður boðið í Sundlaugar Kópavogs að loknu hlaupi.
  • Þátttaka ókeypis.

 

Dagskrá fimmtudaginn 29. september

  • Hjartadagsgangan - lagt af stað við gömlu rafstöðina í Elliaárdal kl: 17:30. Gangan er í umsjón starfsmanna frá Hjartaheill.
  • Þátttaka ókeypis.

Hjartasjúkdómar eru fyrirbyggjanlegir og með því að tileinka sér heilbrigðan lífsstíl má seinka sjúkdómnum og jafnvel koma í veg fyrir ótímabær dauðsföll.

Hreyfðu þig! Hreyfing þarf ekki að vera bundin við íþróttir eða líkamsrækt og getur verið margs konar, eins og við heimilisstörf, garðvinnu eða einfaldlega að fara út og leika við börnin. Settu þér raunhæf markmið, ekki byrja á því að klífa fjall eða hlaupa maraþon, þú byggir upp þrek og þol smám saman.

Borðaðu hollt! Takmarkaðu neyslu á unnum matvörum sem oft innihalda mikinn sykur, salt og mettaða fitu. Gerðu holla matinn spennandi fyrir börnin, berðu fram litríkan mat eins og ávexti og grænmeti og láttu þau aðstoða við matargerðina. Leiddu hugann að skammtastærðum, notaðu minni matardiska og leyfðu grænmetinu og ávöxtunum að taka mesta plássið.

Segðu NEI við tóbaki! Það er mikilvægt að þú bannir tóbaksnotkun á heimili þínu og gættu þannig að heilbrigði fjölskyldu þinnar. Fræddu börnin þín um skaðsemi tóbaks til að hjálpa þeim að velja líf án tóbaks. Ef þér finnst erfitt að hætta að reykja, leitaðu þér hjálpar.

 

Til baka
 
 
Athugasemdir
 
 
Settu inn athugasemd:













 
SportÝs 2019
Sportv÷rur 2XU J˙nÝ 2019
HvÝtt bil 5 ß hŠ­ - 3
Könnun
┴ hva­a skˇtegund hljˇpst ■˙ Ý ReykjavÝkurmara■oni 2019?
Adidas
Asics
Brooks
Ecco
Hoka OneOne
New Balance
Newton
Nike
Mizuno
On
Puma
Reebok
Saucony
Under Armour
Anna­
 
 
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is