Hausmynd2018-RM2017
Squeezy Sport Nutrition
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
10.8.2011
10.09.2011 - RunIceland Half marathon Kaldadal

RUNICELAND HALF MARATHON TRAIL IN KALDIDALUR verður haldið laugardaginn 10. september.

RunIceland stendur fyrir 110 km áfangahlaupi á Íslandi milli 4. og 10. september nk.

Fimmti og síðasti áfangi hlaupsins er hálft maraþon sem er einnig sér keppni og opinn öllum. Hlaupið er með 30 ofurhlaupurum frá mörgum löndum sem verða búnir með fyrstu fjóra áfangana (sjá www.runiceland.com ).

Í fimmta áfanga er keppt  frá Ormavöllum fyrir ofan Sandkluftavatn (Uxahryggjarvegur, 18 km norður af þjónustumiðstöð Þingvalla) upp í  gamla Kaldadalsveg, í gegnum Tröllaháls og Biskupsbrekku og lýkur eftir 21,1 km, við Hrúðurkarla (624m). Þetta er æsispennandi hlaupaleið með magnað útsýni og náttúruumhverfi (sjá kort).

Ein drykkjarstöð er eftir 10,5 km, eftir gatnamót við Uxahrygg. Keppendum er ráðlagt að hafa meðferðis drykkjarbelti, orkugel eða aðra næringu.

ATH. Aðeins 50 sæti eru í rútunni, þannig að skráning er takmörkuð við 50 hlaupara.

Aldurstakmark: 18 ára.
Tímamark: 3 klukkustundir

Dagskrá
Mæting er kl. 9:30 við þjónustumiðstöð Þingvalla. Skráningu á staðnum og afhendingu rásnúmera lýkur kl. 10:00. 

Farið verður til startsins kl. 10:00 með rútu að Sandkluftavatni. Keyrt er um 18 km.

Hlaupið hefst  um leið og rútan er komið á startið, eða upp úr kl: 10:30.

Að hlaupinu loknu bíður rútan við markið þangað til hámarkstíma er náð, sem er þrjár klukkustundir eftir rástíma, svo er keyrt á hlaupaleið til baka og týndir verða upp þeir hlauparar (sem kom með rútu á startið) en náðu ekki að klára hlaupið innan þriggja klst.

Við ítrekum að hlauparar sem forskráðu sig ekki, þurfa að skipuleggja sjálfir far til baka frá markinu að þjónustumiðstöð Þingvalla. 

Um leið og rútan er komin til baka til þjónustumiðstöðvarinnar (u.þ.b. kl. 14:00) verður verðlaunaafhending.

Á þjónustumiðstöðinni er hægt að kaupa sér hressingu fyrir og eftir hlaupið og salerni eru til staðar. 

Skráning og skráningargjald
Forskráning í hlaupið er hér á hlaup.is.
FORSKRÁNING ER ÆSKILEG til að eiga sér rétt á að fá far aftur á startið með rútu. Þátttökugjald greitt á staðnum í reiðufé en sýna þarf skilríki.

Forskráningu lýkur fimmtudaginn 8. september kl. 20:00 eða þegar 50 keppendur er búnir á skrá sig.

Eftir það er enn hægt að skrá sig á staðnum en þá er ekki hægt að tryggja sér far frá mark aftur til þjónustumiðstöðvar  (og hlauparar þurfa að sjá um það sjálfir).

Þátttökugjald er 5.000 kr. sem greiðist í reiðufé á staðnum (EKKI debet- eða kreditkort). 

Hlauparar sem ekki forskráðu sig þurfa fylla út eyðublað á staðnum, þess vegna er mikilvægt að mæta tímanlega. Þeir sjá svo sjálfir um far til startsins og svo frá markinu aftur til þjónustumiðstöðvarinnar.

Þeir sem forskrá sig fyrir 8. september eiga rétt að fá far með rútu frá þjónustumiðstöðinni til startsins og frá marki til þjónustumiðstöðvarinnar.

Innifalið í þátttökugjaldi (5.000 kr.) er: 

  • Brautar- og öryggisgæsla.
  • Drykkir á drykkjarstöð í miðri leið og á markinu.
  • Flutningur frá þjónustumiðstöð til startsins og frá marki til baka (aftur: Bara fyrir þá sem skrá sig í forskráningu).
  • Stuttermabolur frá ASICS.
  • Sigurverðlaun,
  • Tímataka og númer.

Kort og hlaupaleið
Keppni hefst frá á Uxahryggjarvegi (550) við Ormavelli (fyrir ofan Sandkluftavatn, 18 km norður af þjónustumiðstöð Þingvalla) upp í gamla Kaldadalsveg, í gegnum Tröllaháls, Bláskógaheiði og Biskupsbrekku og lýkur eftir 21,1 km við Hrúðurkarla (624m). Malarvegur er alla leiðina þannig að ekki ætti að vera mikil hætta á að farið sé af leið.

Sjá kort af leiðinni.

Verðlaun
Þeir sem ljúka hlaupinu fá hlaupabol frá ASICS sem þátttökuverðlaun.

Auk þess eru veittar eftirfarandi viðurkenningar:

  • Þrír fyrstu karlar og þrjár fyrstu konur hljóta sérverðlaun.
  • Verðlaun eru fyrir fyrsta sæti karla og kvenna fyrir Íslendinga. 

Aðrar upplýsingar 
Hægt er að skilja eftir í rútunni merktar töskur með aukafötum (fyrir þá sem forskrá sig). Í töskunni geta verið t.d. plastpoki (sem notaður verður eftir hlaup til að setja í hlaupaföt),  skór, sokkar, bolur, peysa og fleira. Þannig gefst kostur á að skipta um föt og skó um leið og hlaupið er búið og er beðið í rútunni á meðan keppendur koma í mark. Hlauparar eru beðnir um að merkja töskuna sína vel en engin ábyrgð er tekin á verðmætum í farangri.

Hlaupið er aðallega upp brekku og er alltaf á malarvegi og því þarf ekki að vaða polla eða sprænur en það gætið samt verið blautt og það gæti komið óvænt rigning, þannig að það er mikilvægt að hafa meðferðis hlý og þurr föt og við minnum á handklæði.

Drykkjarbrúsa og orkugel eða aðra næringu er ráðlagt að taka með í hvaða veðri sem er en athugið sérstaklega að lögð er áhersla á að rusli sé ekki fleygt á víðavangi.  Hlaupurum er skylt að taka með sér allt rusl og henda því á drykkjarstöð eða á marksvæði.

Athugið að það er ekki salernisaðstaða á marksvæði.

Þjálfun: Hefðbundin hálfmaraþonþjálfun er nóg og æskileg er að æfa sig í brekku.

Útbúnaður: Ráðlagt er að koma með bæði létt og vatnsheld föt og klæða sig svo eftir veðri rétt fyrir hlaupið. Hækkun er um 400 metrar og á markið gætið verið kaldari en startið.

Það er ráðlagt að vera í hlaupaskóm með grófum sóla en hægt er að hlaupa á malarvegi með venjulegum hlaupaskóm. 

Að hætta á miðri leið: Þeir hlauparar sem ekki komast í mark innan tímamarka (3 klst.) verða að hætta hlaupinu og verða þeir teknir upp í rútu og keyrðir til baka að þjónustumiðstöð.

RunIceland Half Marathon Kaldidalur er 21,1 km upp brekku og því er gengið út frá því að þátttakendur hafi þjálfað sig fyrir þá vegalengd og með skráningu skuldbinda þeir sig til að fara alla leið. 

Það er ekki í boði að hætta við á leiðinni nema viðkomandi sé veikur eða slasaður. Að flytja þátttakendur með bíl á hlaupaleið er eingöngu hugsað sem neyðaraðstoð. Þau sem neyðast til þess að hætta á miðri leið verða að gefa sig fram við starfsmann hlaupsins á drykkjarstöð eftir 10,5 km eða við startið. Þetta er mjög mikilvægt því viljum við fyrir alla muni komast hjá.

Tillitsemi: Til þess að gera mótshaldara kleift að framkvæma hlaupið, er þátttakendum settar reglur um heiðarlega keppni og virðingu fyrir náttúrunni. Óheimilt er með öllu að kasta frá sér rusli á leiðinni (sjá skilmála).

Skilmálar og reglur hlaupsins

  • Eru í vinnslu fyrir næsta ár

 

Til baka
 
 
Athugasemdir
 
 
Settu inn athugasemd:













 
Sportv÷rur 2XU J˙nÝ 2019
HvÝtt bil 5 ß hŠ­ - 3
Könnun
┴ hva­a skˇtegund hljˇpst ■˙ Ý ReykjavÝkurmara■oni 2019?
Adidas
Asics
Brooks
Ecco
Hoka OneOne
New Balance
Newton
Nike
Mizuno
On
Puma
Reebok
Saucony
Under Armour
Anna­
 
 
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is