Hausmynd2018-RM2017
Squeezy Sport Nutrition
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
14.3.2015
14.05.2015 - Stj÷rnuhlaup VHE (═slandsmeistaramˇt Ý 10 km)

Stjörnuhlaup VHE fer fram í Garðabæ þann 14. maí næstkomandi. Boðið er upp á tvær vegalengdir, 10 km og 5 km og hefst hlaupið kl. 11:00 frá Garðatorgi. Við hvetjum alla hlaupara til að taka þátt en keppt verður í aldursflokkum og boðið verður upp á sveitakeppni sem hentar skokkhópum, fyrirtækjum og öðrum hópum.

Stjörnuhlaup VHE er jafnframt Íslandsmeistaramót í 10 km götuhlaupi og verða veitt sérstök verðlaun í karla- og kvennaflokkum. Við hvetjum því hlaupara á öllum aldri til að taka þátt. Vakin er athygli á þeirri nýjung að notaður verður dróni til að taka upp atburðinn úr lofti sem gefur þátttakendum síðar tækifæri til að skoða hlaupið frá nýju sjónarhorni.

Hlaupin verður ný og spennandi leið um götur Garðabæjar, framhjá Vífilsstöðum, út í hraunið sunnan við bæinn, niður Vífilsstaðaveginn og aftur að Garðatorgi (sjá nánar kort og videó). Skoðið flott myndband tekið úr lofti af leiðinni. Endilega heimsækið okkur á Facebook síðu hlaupsins - Stjörnuhlaupið.

Tími og staðsetning
Hlaupið fer fram í Garðabæ fimmtudaginn 14. maí sem er Uppstigningardagur. Hlaupið er frá Garðatorgi kl. 11:00. Vinsamlegast mætið tímanlega.

Vegalengdir
Boðið er uppá tvær vegalengdir 5 km og 10 km. Hlaupaleiðirnar eru löglega mældar og viðurkenndar af Frjálsíþróttasambandi Íslands.

Skráning og afhending gagna
Forskráning fer fram á hlaup.is til miðnættis miðvikudaginn 13. maí. Eftir miðnætti þriðjudaginn 12. maí hækkar þátttökugjald og eru þátttakendur því hvattir til að forskrá sig tímanlega á hlaup.is.

Skráning verður einnig á Garðatorgi 7 (verslunarmiðstöð) frá kl. 08:30 til 10:00 á hlaupdegi. 

Afhending gagna. Forskráðir geta sótt gögnin sín miðvikudaginn 13. maí á milli kl. 16:30 og 19:00 í íþróttahúsinu við Ásgarð í Garðabæ. Einnig er hægt að skrá sig í hlaupið á þessum tíma. 

Afhending gagna á hlaupdegi. Gögn verða afhent inni á Garðatorgi á hlaupdegi á milli kl. 08:30 og 10:00 sem er 60 mínútur fyrir hlaup. Þátttakendur eru vinsamlegast beðnir um að virða þau tímamörk.

Þátttökugjald
Þeir sem forskrá sig fyrir miðnætti þriðjudaginn 12. maí:

  • 2.000 kr fyrir 16 ára og eldri (f. 1999 og fyrr).
  • 1.000 kr fyrir 15 ára og yngri (f. 2000 og síðar).

Skráning frá og með miðvikudaginn 13. maí og fram á hlaupdag:

  • 3.000 kr fyrir 16 ára og eldri (f. 1999 og fyrr).
  • 1.200 kr fyrir 15 ára og yngri (f. 2000 og síðar).

Athugið að börn þurfa að skrá sig til að fá númeri úthlutað og fá skráðan tíma. 

Íslandsmeistaramót
Stjörnuhlaupið er Íslandsmeistaramót í 10 km vegalengd, þannig að gera má ráð fyrir æsispennandi keppni á meðal bestu hlaupara landsins í karla- og kvennaflokkum. Jafnframt verður keppt um Íslandsmeistaratitil í 5 manna sveitakeppni karla og 5 manna sveitakeppni kvenna. Þá verður einnig í fyrsta skiptið keppt um Íslandsmeistaratitla karla og kvenna í aldursflokkum 40-49 ára og 50 ára og eldri í 10 km götuhlaupi. Því verða nýir Íslandsmeistarar á öllum aldri krýndir í Garðabænum.

Verðlaun
Verðlaun í 10 km vegalengd:

  • Einstaklingskeppni. Veitt verða verðlaun fyrir 1.-3. sæti karla og kvenna í Íslandsmeistarahlaupi.
  • Aldursflokkar. Veitt verða verðlaun í 1.-3. sæti karla og kvenna í Íslandsmeistarahlaupi öldunga, 40-49 og 50 ára og eldri.
  • Íslandsmeistaramót í sveitakeppni. Veitt verða verðlaun fyrir 1. sæti í sveitakeppnum karla og kvenna. Fimm bestu tímar í hverri sveit gilda.

Verðlaun í 5 km vegalengd:

  • Veitt verða verðlaun í 1.-3. sæti karla og kvenna.
  • Sigurvegarar karla og kvenna í 10 km og 5 km fá glæsileg verðlaun frá Dansport, umboðsaðila Saucony og á Ronhill fatnaði.
  • Veitt verða vegleg útdráttarverðlaun eftir að í mark er komið. Ekki er hægt að vitja útdráttarverðlauna síðar. 
  • Við komu í mark fá allir þátttakendur orkudrykkinn Gatorade og verðlaunapening fyrir þátttökuna.

Hlaupaleiðin og merkingar 

10 km leiðin
Hlaupið hefst við Garðatorg. Hlaupið er niður Vífilsstaðaveg og beint yfir Hafnarfjarðarveginn sem verður lokaður um tíma á meðan hlauparar fara yfir. Farið er niður að hringtorginu framhjá Sjávargrund og beygt til vinstri í átt að Sjálandsskóla og komið að Löngulínu. Þar er beygt til hægri inn Löngulínu og strax næst til vinstri inn á Strikið og eins og leið liggur að 17. Júní torgi. Farið til hægri út Júní torgið og inná göngustíg til hægri og meðfram sjávarsíðunni í átt að Arnarnesi. Komið er að  undirgöngum við Arnarnes, farið undir Hafnarfjarðarveginn og eftir göngustígnum norðan megin við Arnarneslæk að Fjölbrautarskóla Garðabæjar. Þaðan er farið áfram hringtorgin þrjú í átt að Hnoðraholti. Inn á nýja göngustíginn meðfram Reykjanesbrautinni, undirgöng undir Reykjanesbrautina, meðfram golfvellinum og í átt að Vífilsstöðum. Við Vífilstaði er farið vestur á nýjan stíg niður að undirgöngum við Reykjanesbraut. Þegar út úr göngunum er komið er beygt til vinstri á göngustíginn í hrauninu og hann farinn alla leið að Bakkaflöt. Við Bakkaflöt er beygt til hægri og haldið austur út Bakkaflötina, út Sunnuflötina á enda og til vinstri í átt að undirgöngunum við Vífilstaðaveg, vestur eftir Vífilstaðavegi og að marki við Garðatorg. 

Stjornuhlaup10km

5 km leiðin
Hlaupið hefst við Garðatorg samhliða 10 km hlaupinu. Hlaupið er vestur niður Vífilsstaðaveginn og beygt til hægri strax inn á Bæjarbrautina. Farið eftir Bæjarbrautinni eins og leið liggur, framhjá Fjölbraut í Garðabæ og að hringtorginu við Hæðarhverfi. Tekin beygja til hægri á síðara hringtorginu og í átt að Hnoðraholtinu. Farið inn á göngustíginn meðfram Reykjanesbrautinni, undirgöng undir Reykjanesbrautina, meðfram golfvellinum í átt að Vífilsstöðum. Við Vífilsstaði er beygt til hægri og farið vestur eftir Vífilstaðavegi í átt að gatnamótum Brúarflatar og Karlabrautar og áfram niður Vífilstaðaveginn að Garðatorgi og í mark.

Stjornuhlaup5kmMinni

Skilti verða við hvern kílómetra bæði í 5 km og 10 km hlaupunum og starfsmenn hlaupsins munu vakta alla helstu staði. Þátttakendur eru hvattir til að kynna sér vel leiðina við skráningu.

Þar sem endaspretturinn í báðum keppnisvegalengdum verður háður á niðurhallandi Vífilstaðaveginum er það von mótshaldara að keppnin síðustu metrana verði sérlega hröð og spennandi.

Salerni og fatageymsla
Aðstaða til þess að geyma fatnað er á Garðatorgi inni við verslunina Víðir og salerni verða staðsett á Garðatorgi. Engin ábyrgð er tekin á fatnaði eða öðru sem skilið er eftir í geymslunni né á hlaupaleiðinni. Starfsmenn hlaupsins munu vakta föt og töskur.

Aðrar upplýsingar
Þar sem um götuhlaup er að ræða eru þátttakendur beðnir um að sýna varúð. Brautarvarsla verður víða og við gatnamót þar sem lokað verður fyrir umferð. Mælst er til þess af öryggisástæðum að þátttakendur noti ekki iPod eða önnur álíka tæki í hlaupinu. Tímatöku og brautarvörslu lýkur 80 mínútum eftir að hlaupin eru ræst. Hlaupin verða ræst á sama tíma.

Ábyrgðarmenn
Sigurður P. Sigmundsson, hlaupstjóri.  Netfang: siggip@hlaup.is

 

Til baka
 
 
Athugasemdir
 
Gunnhildur Sveinsdˇttir Gunnhildur Sveinsdˇttir
28.4.2015 12:24:37
Go, go, goůů
Vi­ar ┴rnason Vi­ar ┴rnason
13.5.2015 20:10:58
Mˇti­ ß morgun Ý Gar­abŠ.
╔g er a­ velta fyrir mÚr a­ taka ■ßtt en Úg er fatla­ur og nota hjˇlasˇl.
Mß Úg mŠta og vera ß handstÝgna hjˇlinu mÝnu.
Kve­ja Viddi Ý gsm: 8940411
 
Settu inn athugasemd:













 
SportÝs 2019
Sportv÷rur 2XU J˙nÝ 2019
HvÝtt bil 5 ß hŠ­ - 3
Könnun
┴ hva­a skˇtegund hljˇpst ■˙ Ý ReykjavÝkurmara■oni 2019?
Adidas
Asics
Brooks
Ecco
Hoka OneOne
New Balance
Newton
Nike
Mizuno
On
Puma
Reebok
Saucony
Under Armour
Anna­
 
 
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is