Hausmynd2018-RM2017
Squeezy Sport Nutrition
Leit
┴hugavert
Hlaupadagskrß 2019
Skrßningar Ý hlaup
Panta prˇgram
100km hlauparar
FÚlag mara■onhl.
HvÝtt bil 10 ß hŠ­
HvÝtt bil 10 ß hŠ­ - 3
Ăfingadagbˇk - 115x79
HvÝtt bil 5 ß hŠ­ - 1
hlaup.is ß Facebook
HvÝtt bil 5 ß hŠ­ - 3
English
HvÝtt bil 10 ß hŠ­ - 2
Póstur torfi@hlaup.is
Dagbˇk
18.3.2019
18.05.2019 - Stj÷rnuhlaup VHE

Stjörnuhlaup VHE fer fram í Garðabæ laugardaginn 18. maí. Boðið er upp á 5 km og 10 km vegalengdir og hefst hlaupið kl. 11:00 frá Garðatorgi.  

Einnig verður boðið upp á 2 km skemmtiskokk fyrir yngstu kynslóðina þar sem farið er um Flatirnar. Skemmtiskokkið er nú haldið í annað sinn og er tilgangurinn ekki síst að fá sem flestar fjölskyldur til að gera sér góðan dag í Garðabæ og njóta stemmingar Stjörnuhlaupsins - foreldrar og aðstandendur fá að skokka með börnum, njóta síðan skemmtunar og veitinga á Garðatorginu eftir hlaupið.

Stjörnuhlaup VHE var valið 3 besta götuhlaup ársins 2017 og 2016 samkvæmt könnun hlaup.is. Hér má sjá skemmtilegt myndband frá Stjörnuhlaupinu.

Skráning í hlaupið fer fram á hlaup.is.  

Tími og staðsetning
Hlaupið fer fram í Garðabæ laugardaginn 18. maí. Hlaupin eru ræst á Vífilsstaðavegi við Garðatorg.

  • 2 km skemmtiskokk hefst kl. 10:50.
  • 5 km og 10km hlaupin hefjast samtímis kl. 11:00.

Vinsamlegast mætið tímanlega vegna lokana á Vífilsstaðavegi.  Hluta af Vífilsstaðavegi verður lokað kl. 10:15 frá gatnamótum Stekkjarflatar og Bæjarbrautar austur að Vífilsstöðum.  Eftir þann tíma er aðkoma að Garðatorgi betri norðan megin frá Arnarneshæð eftir Bæjarbrautinni. 

Skráning og þátttökugjöld
Skráning í hlaupið fer fram á hlaup.is.

Mótshaldari vill hvetja þátttakendur til að skrá sig tímanlega á lægra verðinu í forskráningu eða fyrir miðnætti fimmtudaginn 16. maí. Það auðveldar mótshaldara allan undirbúning.

Þeir sem forskrá sig fyrir miðnætti fimmtudaginn 16. maí.

  • 1.000 kr. 2 km skemmtiskokk (engin tímataka) - fjölskyldugjald er 2.000 kr. óháð fjölda.
  • 1.500 kr. fyrir 15 ára og yngri í 5 km og 10km hlaup (f. 2004 og síðar)
  • 2.500 kr. fyrir 16 ára og eldri í 5km og 10km hlaup (f. 2003 og fyrr)

Skráning frá og með föstudeginum (frá miðnætti fimmtudagsins) 16. maí og fram á hlaupdag.

  • 1.000 kr. 2 km skemmtiskok (engin tímataka) - fjölskyldugjald er 2.000 kr. óháð fjölda.
  • 2.000 kr. fyrir 15 ára og yngri í 5 km og 10km  hlaup (f. 2004 og síðar)
  • 3.000 kr. fyrir 16 ára og eldri í 5km og 10km (f. 2003 og fyrr)

Athugið að börn/unglingar sem skrá sig í 5 km eða 10km tímatöku þurfa að fá úthlutað númeri og flögu. Þátttakendur í skemmtiskokki fá úthlutað númeri. 

Samkvæmt reglum Frjálsíþróttasambands Íslands (FRÍ)  þurfa þátttakendur í 10 km götuhlaupi að hafa náð 12 ára aldri. Engin aldurstakmörk eru í 2 km skemmtiskokki eða 5 km götuhlaupinu. Aldurstakmörk í 10 km vegalengdinni miðast við almanaksárið þegar þátttakandi nær tilteknum aldri.

Verðlaun og flokkaskipting
Allir þátttakendur í öllum vegalengdum fá þátttökupening við komu í mark.  Að auki eru veitt vegleg útdráttarverðlaun fyrir þátttakendur eftir að í mark er komið.  Hægt er að sækja þau inn á Garðatorgi eftir hlaupið. Aðeins er hægt að vitja útdráttarvinninga á meðan hlaupinu stendur.

Verðlaun í 10 km vegalengd:

  • Einstaklingskeppni. Veitt verða verðlaun og verðlaunapeningar fyrir 1.-3. sæti í karla- og kvennaflokki.
  • Aldursflokkar í einstaklingskeppni. Veitt verða verðlaun fyrir 1 sæti karla og kvenna í öldungaflokkum skv. eftirfarandi flokkun:

40 - 49 ára
50 - 59 ára
60 - 69 ára
70 ára og eldri 

Verðlaun í 5 km vegalengd:

  • Einstaklingskeppni. Veitt verða verðlaun og verðlaunapeningar í 1.-3. sæti karla og kvenna.
  • Aldursflokkar. Veitt verða verðlaun fyrir 1 sæti karla og kvenna í öldungaflokkum skv. eftirfarandi flokkun:

40 - 49 ára
50 - 59 ára
60 - 69 ára
70 ára og eldri

Verðlaun í 2km skemmtiskokki:

Engin tímataka er í 2 km skemmtiskokkinu.  Hver og einn þátttakandi fær verðlaunapening við komu í mark. Jafnframt eru veitt útdráttarverðlaun við komu í mark og hægt er að vitja þeirra inni á Garðatorgi og njóta veitinga þar eftir hlaup. 

Hlaupaleiðir og merkingar
10 km leiðin.
Hlaupið hefst við Garðatorg á Vífilsstaðaveginum.  Hlaupið er vestur niður Vífilsstaðaveginn og beygt til hægri strax inn á Bæjarbrautina. Farið eftir Bæjarbrautinni eins og leið liggur framhjá Fjölbraut í Garðabæ og að hringtorgi þar við Hæðarhverfi. Tekin beygja til hægri á síðara hringtorginu og í átt að Hnoðraholtinu. Farið inn á göngustíginn meðfram Reykjanesbrautinni, undirgöng undir Reykjanesbrautina og meðfram golfvellinum í átt að Vífilsstöðum. Farið er beint yfir Vífilsstaðaveginn og inná bílaplanið á Vífilstöðum þar sem vatnsstöð verður.  Farið er þaðan vestur eftir göngustíg og inn á Vífilsstaðaveginn, beint vestur í átt að gatnamótum Brúarflatar og Karlabrautar og áfram niður Vífilsstaðaveginn að Garðatorgi þar sem millitími verður tekinn í 10 km hlaupinu. Hlaupnir eru tveir eins hringir.

Vegvísar verða við hvern kílómetra og starfsmenn hlaupsins munu vakta alla helstu staði. Þátttakendur eru hvattir til að kynna sér vel leiðina við skráningu eða með því að skoða kortið hér að neðan.

5 km leiðin: 
Hlaupið hefst við Garðatorg á Vífilsstaveginum og er ræst aðeins á undan 10km hlaupinu. Hlaupið er sama leið eða einn hring, vestur niður Vífilsstaðaveginn og beygt til hægri strax inn á Bæjarbrautina. Farið eftir Bæjarbrautinni eins og leið liggur, framhjá Fjölbraut í Garðabæ og að hringtorginu við Hæðarhverfi. Tekin beygja til hægri á síðara hringtorginu og í átt að Hnoðraholtinu. Farið inn á göngustíginn meðfram Reykjanesbrautinni, undirgöng undir Reykjanesbrautina, meðfram golfvellinum í átt að Vífilsstöðum. Farið er beint yfir Vífilsstaðaveginn og inná bílaplanið á Vífilstöðum þar sem vatnsstöð verður.  Farið er þaðan vestur eftir göngustíg og inn á Vífilsstaðaveginn. Farið eftir Vífilsstaðavegi í átt að gatnamótum Brúarflatar og Karlabrautar og áfram niður Vífilsstaðaveginn að Garðatorgi og í mark.

Vegvísar verða við hvern kílómetra á 5 km leiðinni og starfsmenn hlaupsins munu vakta  helstu staði og vísa veginn. Þátttakendur eru hvattir til að kynna sér leiðina vel:

Þar sem endaspretturinn í báðum keppnisvegalengdum verður háður á niðurhallandi Vífilsstaðaveginum er það von mótshaldara að keppnin síðustu metrana verði sérlega hröð og skemmtileg.

Kort af 5km hlaupaleið (einn hringur 5 km og tveir hringir fyrir 10 km) 

2 km skemmtiskokk.
Skemmtiskokkið hefst á Vífilsstaðavegi við Garðatorg kl. 10.50b.  Hlaupið er vestur niður Vífilsstaðaveg og beygt til vinstri inn á Stekkjarflöt og þaðan til vinstri inn á Móaflöt.  Farið er Garðaflötina alla í austur að Hagaflöt, niður Hagaflöt og til vinstri inn á Móaflöt og þaðan að Brúarflöt.  Farið til vinstri inná Brúarflöt upp á Vífilsstaðaveg til vinstri og niður hann í mark.  Hér má sjá kort af hlaupaleiðinni.


Sjá stærra kort.

Úrslit og birting
Úrslit munu birtast hér um leið og hlauparar koma í mark og á hlaup.is Úrslit eru einnig birt á vef Stjörnuhlaupsins http://stjornuhlaup.is/. Þátttakendur fá jafnframt úrslit sín send í GSM síma um leið og komið er í mark.  

Drykkjarstöð
Ein drykkjarstöð er á Vífilsstaðaplaninu þar sem boðið verður upp á vatn og Powerade fyrir 5 km og 10km þátttakendur.  

Aðkoma, lokanir og bílastæði
Þátttakendum er bent á að mæta tímalega.  Vífilsstaðavegi verður lokað kl. 10:15 frá gatnamótum við Stekkjarflöt og Bæjarbrautar að austara hringtorgi við Vífilsstaði. Opnað verður aftur fyrir umferð um Vífilstaðaveginn kl. 12:30. 

Hægt er að leggja bílum austan megin við Garðatorg, á bílastæði við Flatarskóla eða við íþróttahúsið í Ásgarði.

Salerni og fatageymsla
Aðstaða til þess að geyma fatnað og töskur er á Garðatorgi og salernisaðstaða er staðsett inni á Garðatorgi einnig. Engin ábyrgð er tekin á fatnaði eða töskum, en starfsmenn hlaupsins munu vakta geymslusvæðið.   

Ábyrgð hlaupara
Allir þátttakendur eru á eigin ábyrgð í Stjörnuhlaupinu og börn eru á ábyrgð foreldra. Þátttakendur skulu kynna sér almenn atriði nánar er varða hlaupið svo sem, hlaupaleið, rástíma, tímatakmörk, drykkjarstöðvar ofl. á vefsíðu hlaupsins, Stjörnuhlaupid.is.

Þátttakendum er skylt að hafa keppnisnúmer sýnilegt að framan og fyrir ofan mittishæð allt hlaupið.

Þátttakandi ber ábyrgð á tímatökuflögunni sem hann fær úthlutað í 5km og 10km hlaupinu. Hver hlaupari má eingöngu hafa eina flögu í hlaupinu og skal hún vera skráð á hans nafn. Flögu skal reima á skó eða festa um ökkla ef um ökklaband er að ræða. 

Þar sem um götuhlaup er að ræða eru þátttakendur beðnir um að sýna varúð.  Brautarvarsla verður víða og við gatnamót þar sem lokað verður fyrir umferð.  Mælst er til þess af öryggisástæðum að þátttakendur noti ekki iPod eða önnur álíka tæki í hlaupinu. Tímatöku og brautarvörslu lýkur um 90 mínútum eftir að hlaupin eru ræst.

Aðrar upplýsingar
Nánari upplýsingar um Stjörnuhlaupið má finna hér á vefsíðu hlaupsins á Facebook síðu hlaupsins Stjörnuhlaupið. Skráning í hlaupið fer fram á hlaup.is.

Ábyrgðarmaður og hlaupstjóri
Bjarki A. Brynjarsson, ábyrgðarmaður. Netfang: bjarki_ab@outlook.com / sími: 666-1100.
Sigurður P. Sigmundsson, hlaupstjóri.  Netfang: siggip@hlaup.is / sími: 864-6766.

Framkvæmdaraðili hlaupsins er Hlaupahópur Stjörnunnar sem er deild innan UMF Stjörnunnar (Stjarnan.is). 

 

Til baka
 
 
Athugasemdir
 
 
Settu inn athugasemd:













 
Hlaupanßmskei­ hlaup.is - Turn
Sportv÷rur 200 * 160
HvÝtt bil 10 ß hŠ­
Könnun
Hvar keyptir ■˙ sÝ­ast hlaupaskˇ ?
═slensk verslun
═slensk vefverslun
Erlend verslun
Erlend vefverslun
 
 
HvÝtt bil 10 ß hŠ­
ReykjavÝkurmara■on
 
© Allur rÚttur ßskilinn. Birting ß ■essu efni ß ÷­rum mi­lum er ˇleyfileg nema me­ leyfi hlaup.is